Black Friday week попуст
21.11 – 30.11

Што е Black Friday

Во последниве декади, сведоци сме на тоа дека огромен број од глобалните трговци го усвоија терминот и датумот, попознат меѓу народот како Black Friday, за да ги пласираат своите сопствени производи по доста намалени цени. Најчесто во САД, сведоци сме дека постојат случаи каде луѓето, вечерта пред Black Friday се стационираат пред продавниците, моловите, стоковите куќи со шатори и чекаат следното утро да бидат први во редот, за да имаат прилика воопшто да дојдат до тоа што сакаат да го купат и кое навистина е на огромен попуст. Па така, пракса било трговците на мало да ги отворат своите продавници во 6 часот наутро, но кон крајот на 2000-тите, веќе почнаа да се отвараат и во 4 часот наутро ( а шопингот да трае до 5 часот по полноќ следниот ден). Во 2011 година, некои трговци (Target, Kohl’s, Macy’s, Best Buy и Bealls ) своите продавници ги отворија на полноќ и тоа за прв пат во историјата на овој ден. Голем број на работодавци на своите вработени, Црн Петок им го даваат како слободен ден.

Скоро и да нема човек што не чул за постоењето на Black Friday, од најмлади до најстари, но, дали знаете од каде влече корени потеклото на поимот Black Friday и што точно значи?

Постојат неколку теории за неговото значење и потекло, дел од нив негативни , дел од нив позитивни. И во двете, тоа е денот што следи по Денот на Благодарноста – Thanksgiving ( празник кој го слават Американците и кој го наговестува почетокот шопингот за празничната сезона)

Имено, една од теориите вели дека во 60тите години, возачите на јавниот превоз и полицијата во Филаделфија и Рочестер, се жалеле на прегустиот сообраќај овој ден, именувајќи го токму како “најхаотичниот ден за купување и сообраќај во годината”. Чадот што ги “гушел” бил секако – црн, па оттаму и поимот Black Friday.

Друга теорија е дека самите трговци, константно работеле со финансиска загуба речиси цела календарска година (од Јануари до Ноември) а својот профит го остварувале токму за времетраењето на празничната сезона ( конкретно почнувајќи еден ден по Денот на Благодарноста). Но, како сето ова се евидентирало во финансиската евиденција? Сметководствените практики користеле црвено пенкало за прикажување на негативните износи а црно пенкало за прикажување позитивни износи. Токму Black Friday, бил самиот почеток на периодот кога трговците повеќе не биле “црвени”, туку “црни”.

Позитивната теорија ја развиле самите индустријалци и трговци, на кои воопшто не им се допаѓала оваа негативна конотација за денот, па така, му дале попозитивна смисла, означувајќи го како ден за шопинг со огромни попусти низ целиот свет.

Со текот на годините, поточно од почетокот на 21 век, како обид да се воведеBlack Friday и надвор од САД, оваа сензација токму од таму, се прошири насекаде низ светот, па така, продавниците, шопинг центрите, а и воопшто индустријата ширум светот, се подготвува за Black Friday наездата и често попустите знаат да траат и цел викенд, недела или месец. Познати како Black Friday week или Black November.

Исто така, првиот Понеделник по црн Петок е именуван како Сајбер Понеделник (Cyber Monday).

Кај нас, веќе долги години наназад, исто така се чувствува Black Friday треската, бидејќи во понудите кои се промовираат на овој ден, може навистина да си го приуштите производот по кој долго време сте трагале а сега да се наоѓа на попуст. Во последно време вообичаено е Black Friday да трае во текот на целата недела при што се нарекува Black Friday Week или Black Week, а често имаме случај каде што трговците имаат попуст во текот на цел ноември – Black November.

Подготовките за овој ден може да ги започнете уште од сега, а ние ви советуваме максимално да го искористите овој ден за купување на производи кои би ви причиниле огромно задоволство. Ние се грижиме за нашите потрошувачи, па затоа понудата која ја нудиме за вас, или пак, за вас и вашиот партнер, веќе достигна од 30 – 80 % попуст. Погледнете ги ексклузивните промоции на нашиот сајт, бидејќи со гаранција ќе завршите задоволни и среќни. Не дозволувајте друг да ви го зграпчи вашето задоволство 🙂 Let’s do it !