Сексуалниот живот на еден човек не може да се одржи секогаш на една иста константа, па да се земе најопшт заклучок дека тој е на мошне завидно, или пак, на незавидно ниво. Оваа ситуација зависи од многу фактори, вклучувајќи го статусот во кој се наоѓа човекот во тој момент, секојдневните обврски кои му се наметнуваат, времето кое го има на располагање, општата состојба, стресот итн. Но, и доколку е во врска, или постои партнер во неговиот живот, не секогаш сексуалниот живот на поединецот “цути”. Нормално е понекогаш да се достигне врвот, но понекогаш нормално е и да се биде на некое од подолните нивоа. Особено кога почнувате да ја чувствувате рутината, секојдневието во сексот и монотонијата.
Меѓутоа, тоа во ниеден случај не значи да се стои со скрстени раце, да не се презема ништо во врска со тоа и таа околност да почне да прераснува во пречка и причина за оддалечување од партнерот.
Ако сте во потрага во пронајдок кој ќе ви помогне или посоветува како да ги зачините активностите во вашиот сексуален живот, можеме со сигурност да ви кажеме дека вашата потрага завршува тука. Слободно дишете! Ние ќе ви дадеме инстантни совети како малата искра во вашата спална соба да се претвори во оган кој тешко ќе се изгасне.
Спремни ли сте?
Свртете се кон виртуелното
Физичката дистанца можеби е и најголемата пречка во однос на интимноста и блискоста со вашиот партнер, особено ако сте во врска на далечина или пак сте разделени физички од било кои други причини. Но, тоа никако не значи дека не постојат начини да го разбудите или подобро кажано – возбудите вашиот партнер. Многу парови денес, но и луѓето кои се сингл, се свртуваат кон интернет платформи како што се на пример FaceTime или Skype за да почнат да експериментираат со виртуелен, или сајбер секс, за да ги исполнат своите сексуални недостатоци и желби.
Пред да се префрлите во виртуелниот свет, односно “кревет” со некого, не заборавајте дека од круцијално значење е да поставите јасни граници, за тоа да придонесе да се чувствувате безбедно а воедно и удобно во целиот тој процес. Комуницирајте за вашите желби и потреби, па дури и за вашите стравови. Тоа во голема мера ќе помогне да се создаде еден побезбедено поле за интимност и ќе го олесни преминот кон нешто посочно.
Да се биде транспарентни во она што се сака и секогаш прво да прашувате, можеби е најголемиот клуч за успех. Ако побарате, да речеме, од вашиот партнер да соблече дел од облеката, или да се допира себеси додека вие сето тоа го гледате, може да ја увери и зацврсти согласноста, а може да биде и одличен портал за почеток на валкани разговори. Доколку имате трема или сте нервозни за започнување, почнете со играње на игра. Да да, како на пример “21 прашање – вистина или предизвик”. Тоа со сигурност ќе ве опушти, зошто да не?
Позиционирањето во сексот е многу важен дел, одбирањето на самата поза всушност. Колку важен, толку и стресен аспект кога се мисли на виртуелниот секс. Сепак, постојат мал милион забавни пози кои можете да ги изберете, како на пример, да го поставите вашиот лаптоп на малку подигната површина, за додека вие клекнете – вашиот партнер да има можност целосно да го види вашето тело. Или ако сакате нешто пофокусирано на вашите гениталии, тогаш фокусот на самата камера нека биде само на долната половина, додека и вие самите уживате. Мммммм….
И, многу важно да се напомене е дека во ова време на технолошпки наоредок нормално и логично е дека и секс индустријата напредува. Еден од најбараните производи моментално се вибратори кои работат на апликација и можете да ги користите и да сте на две различни страни на светот. Како наш предлог, ако сте некој кој сака да вложи во себе и во своето задоволство без грам двоумење ви го препорачуваме Lovense Lush 3. Идеален за сите сценарија, и за оние кои имаат врска на далечина но, и за оние кои сакаат да ја препуштат контролата и потполно да уживаат. Но, покрај Lovense Lush 3 има и многу други алтернативи кои работат на сличен принцип.
Научете да подарувате
На пример, секс играчките се забавен, уникатен и едноставен начин да внесете нешто ново и возбудливо во вашиот сексуален живот и спална соба. Секс играчките се одлични, бидејќи има буквално по нешто за секого и за сечија желба. Ако сте некој кому му недостасува искуство и вештини во полето на сексуалните играчки, тогаш најдобро би било да се фокусирате на вашите и на потребите на вашиот партнер. Обидете се да дознаете каква играчка би било најдобро и најсоодветно да се донесе во спалната соба и која од нив би ви приуштила најголемо задоволство.
На почетокот, сето тоа може да ви изгледа збунувачки бидејќи изборот е огромен поради различните опции кои се нудат на пазарот, па затоа е важно да разговарате за тоа што сакате да потенцирате. Ако барате нешто поосновно и поедноставно за користење, но сепак – корисно, тогаш размислете да го купите булет вибраторот. Тој е одличен за надворешна употреба и да признаеме – изгледа помалку застрашувачки начин да му претставите секс играчка на партнерот.
Ако навистина сакате да одите ниво погоре, тогаш пробајте нешто што сигурно ќе ве остави без здив и ќе ве натера да барате повеќе и повеќе. Тоа би можело да биде, на пример, вибрирачкоto јајце B Swish Bnaughty, управуванo од далечински управувач кој ја стимулира точката Г и ви овозможува едноставно, да се препуштите на возбудлива забава, надвор од вашата вообичаена рутина и досадното секојдневие.
Зголемете го нивото на фантазирање
Вие сигурно знаете кои се вашите најдлабоки сексуални желби и потреби. Но, дали некогаш сте ги споделиле истите со вашиот партнер? Дискутирањето околу вашите сексуални желби и фантазии може да изгледа непријатно и невообичаено на почетокот, но тоа во ниеден случај не треба да биде така. Тоа е впрочем, одраз на самата природа на човекот, сосема природен дел од сечија индивидуална сексуалност. Отворете го разговорот без скриени карти и игри и без двосмислени зборови. На самиот почеток можеби ќе се чувствувате чудно и непријатно. Но, ќе видите дека за брзо време ќе се опуштите и тоа ќе резултира позитивно. Ќе дознаете дека и вашиот партнер можеби дели некои фантазии слични или исти како вашите. Ете начин плус за зближување.
Исполнувањето на вашата сексуална фантазија во голема мера ќе ја смени и надополни вашата сексуална рутина. Замислете со секс на задниот дел од автомобилот на пример. Или, бегство во јавна бања или базен. Добро е да направете сексуална листа на работи кои и двајцата би сакале да ги испробате и пречкртајте ја секоја активност кога ќе ја завршите истата. На сосема обичен, бел лист. Ова ќе ви даде и на двајцата причина поради која треба да се радувате и нетрпеливост за исполнување на напишаните задачи кои претстојат.
Играњето на улоги е уште еден дел од сексот кој често се занемарува, или не се зема воопшто во предвид, поради страв или пак, од срам. Но, играњето улоги е здрав начин да се промени динамиката, ритамот и енергијата при самиот сексуален чин. Тоа може да биде и начин да се предизвикаат некои типични појави од дамнина, како жените да бидат покорен карактер, на пример, додека мажите се подоминантни во целата таа улога. Ако природно сте покорни во сексот, тогаш испратете еден провокативен текст во кој детално ги опишувате начините на кои ќе ја преземете целата контрола во свои раце кога ќе бидете заедно, како би го натерале вашиот партнер да достигне кулминација која можеби не ја очекувал. Позитивно изненадете го.
Ова ќе ви овозможи вам и на вашиот сексуален партнер да ги избришете табу темите и максимално да бидете обземени од поинакво задоволство што никогаш не сте го доживеале и сонувале.
Комуницирајте за вашите потреби
Комуникацијата е еден клучен дел од самиот секс кој никогаш, ама буквално никогаш, нема да излезе од мода. Ако сте некој кој се бори со својата сексуалност или потешко ја изразува, тогаш слободно разговарајте со вашиот партнер. Нема ништо страшно во тоа. Многу важно е да ги држите работите отворени и искрени за да се осигурате дека и двајцата сте на иста бранова должина.
Медицинските состојби како еректилната дисфункција кај мажите, или сувост на вагината кај жените, може да создадат некои дилеми и непријатности поврзани со сексот. Сепак, постојат алтернативни решенија кои со сигурност ќе ви помогнат да се освојат и тие неостварливи навидум цели. Не се повлекувајте во себе. На пазарот ја има Виагратата – наменета за мажите, или пак,лубриканите – наменети за жените. Ако ви е тешко да разговарате за тоа, тогаш размислете за разговор со сексуален терапевт кој со сигурност може да ви помогне вам, или пак, на вашиот вашиот партнер да ја надминете таа пречка со леснотија. Ништо што настанало, не е неизлечливо. Постојат решенија за сите проблеми кои можат да ви застанат на патот во одреден момент. Потребно е само да сакате да зборувате за тоа и да сакате навистина да си помогнете себеси. А можете – со сигурност.
Важно е да осознаете дека комуникацијата не треба да застанува на предиграта. Таа треба да се случува и за време на самиот сексуален чин. Сексот секогаш треба да биде пријатен, опуштен и возбудлив за двете инволвирани страни. Ако се чувствувате непријатно,или пак, имате болка, тогаш зборувајте! Треба да зборувате и ако сакате малку повеќе од вашето сексуално искуство. Да барате команди на пример, да ве удираат (не зборуваме за брутално насилство :)) или пак, да ви даваат конкретни насоки и команди. Вака читајќи, може да изгледа непријатно, но во реалноста, ќе видите, тоа може да ви помогне да дознаете повеќе за себе и за тоа како да го задоволите и излудите вашиот партнер. А да се излудите и себеси истовремено!
Не дозволувајте вашите активности во спалната соба да згаснат и да се претворат во пепел, бидејќи животот е премногу краток за да имате досаден сексуален живот. Или, воопшто да го немате. Никогаш, ама баш никогаш не е доцна да ја преземете одговорноста за вашето задоволство и уживање. Па,зошто да не започнете токму сега: И запомнете, сексот е нужна забава и здрава потреба. Затоа, уживајте!