Значи, веќе некое време се гледате со вашиот партнер и двајцата сте подготвени да преминете на следното ниво. Сексуалното ниво. И двајцата сте подготвени за ова сексуално искуство и кога конечно ќе се случи, да доживеете разочарување е последното нечто кое би сакале да ви се случи. Како да прифатиш дека партнерот е лош во кревет? Како да му дадеш до знаење дека тоа што го прави е погрешно? Или пак, барем вие да пробате да користите некои тактики да го направите ова искуство попријатно? Па, ајде заедно да го изанализираме ова за да не страда вашиот сексуален живот.
Што понатаму?!
Никако не глумете
Никому не помагате. Кога ќе слушнеме како некои луѓе, особено жените дека глумат оргазам, не може а да не чувствувате жал за нив. Пропуштаат едно такво големо и неверојатно искуство. Исто така иако сте во незавидна позиција бидејки партнерот е лош во кревет истовремено сте и во можност да му кажете на вашиот партнер што ви се допаѓа! Ако треба да глумиш оргазам со него, која е поентата да имаш секс? Познато е дека повеќето жени глумат оргазам барем еднаш во животот. Зошто? Не би знаеле точно, веројатно секој има своја причина, но сепак…
Можеби би требало да размислите зошто глумите – и какви последици доаѓаат со тоа. Дали е тоа затоа што сакате да го заштитите и подигнете егото на вашиот партнер и да го натерате да се чувствува како да е одличен во кревет? Или тоа е затоа што само сакате да заврши? Дали отсега ќе треба да го лажирате секој пат? Дали сте способни и спремни да глумите долго време? И што е најважно, дали можете да успеете да имате секс или да имате сексуални активности без да бидете вистински задоволни и задоволени?
Ако сте сериозни околу личноста со која се гледате и сакате да продолжите да го правите тоа, зарем не мислите дека и таа личност би требала да знае ако не чувствувате задоволство? Така заеднички ќе можете да преземете чекори за да стигнете до таму. Наместо да глумите оргазам, фокусирајте се на тоа да доживеете оргазам.
Еве неколку совети како полесно да стигнете таму!
Дајте му повратна информација
Вашиот партнер сака да слушне што прави правилно во кревет – па дури и ако партнерот е лош во кревет, тоа може љубезно да се каже. Тие сакаат да знаат што сакате, што посакувате и што ве поттикнува. Барем, грижлив партнер го прави тоа! Ако планирате вашиот однос да биде долгорочен, и двајцата ќе сакате да бидете сексуално задоволни во кревет нели? Значи, во ваша корист би било да му дадете до знаење на партнерот што ви се допаѓа, а што не. Во спротивно, навикнете се да посегнувате по вашиот вибратор до крајот на вашата врска.
Вашиот партнер не чита мисли. Комуникацијата во кревет е клучна. Не бидете срамежливи. Малите коментари и насоки се корисни како „лево/десно“ или „малку погоре/подолу“. Ова не мора да се смета за критика. Тоа едноставно може да му се шепне на уво или да се испушти меѓу стенкање за да покажете дека уживате. Ако сте премногу срамежливи на глас да изговорите некои работи, можете исто така нежно да им ја придвижите раката на вистинското место и партнерот да превземе од таму.
Понекогаш, треба да кажете малку повеќе за конкретно да се изразите и да ги задоволите вашите потреби. Можете нежно да му предложите работи што би сакале да ви ги прави со тоа што ќе му кажете: „Ох, ми се допаѓа кога ти…“ – или, за да му кажете што ви се допаѓа во моментот, офкајте „Ооо, ми се допаѓа тоа“. или „Да, токму таму!“ Никогаш не можете да погрешите со класичното „Не застанувај“. Колку повеќе вербална комуникација, без разлика дали се работи за стенкање или вистински зборови, толку подобро.
Разговор надвор од спалната соба
Понекогаш, во моментот додека имате секс воопшто не е едноставно јасно да побарате она што ви е потребно. Слично на тоа, давање совети додека стенкате може да биде повеќе стресно и критично отколку корисно. Затоа, има решение и за тоа. За овие работи пожелно е и да се комуницира надвор од спалната соба. Можеби на почетокот изгледа непријатно – но тоа воопшто не е лоша работа! Тоа има огромно влијание врз врските и вашето задоволство. Всушност, клучно е да бидете сигурни дека ќе стигнете до вашиот оргазам, исто како и вашиот партнер.
Како?
Кога и двајцата сте сами заедно, опуштени и удобни, поттикнете секси разговор. Не треба да биде одредено време или дискусија „треба да разговараме“. Секогаш кога сметате дека е соодветно да зборувате за секс е добро време. Започнете го разговорот со позититива, давајќи му до знаење на вашиот партнер за конкретните потези што ги прави и што ви се допаѓаат. Може да биде нешто едноставно како начинот на кој тие се бакнуваат или како го допираат вашиот клиторис. Обидете се со нешто како: „Кога го правиш ова, тоа навистина ми се допаѓа и се чувствувам одлично“. Ова ќе им даде до знаење дека добро си ја вршат работата (барем во одреден аспект) и ќе го започне разговорот во позитивна насока.
Потоа, почнете да го водите во вистинската насока на она што ви се допаѓа. Дури и ако тој не го направил тоа порано, можете да се однесувате како да го направил. Кажете нешто како: „Сакам кога ми го бакнуваш вратот – би се чувствувала феноменално ако го правиш тоа повеќе“ или „Прекрасно е чувството да имаме предигра пред да започне сексот“. Понекогаш, ова е сè што е потребно за да го доведете во вистинската насока. Ако не сакате да наговестите дека тоа сте го правеле порано, можете да кажете нешто како: „Слушнав за оваа прекрасна нова техника… Ајде да ја пробаме!“ Тоа е повеќе предлог отколку критика и му дава зелено светло да проба нови работи со вас во кревет.
Конструктивни критики
Исто така, слободно кажете му што не ви се допаѓа и што навистина не сте подготвени да пробате повторно. Можеби е чувствителна тема, затоа пријдете ѝ лесно. Можеби ќе сакате да кажете нешто како: „Навистина ми е мило што пробавме супер брз секс, но едноставно мислам дека тоа не е за мене“ или „Некако откачено е што сакаш да пробаме анален секс, но навистина мене не ми е пријатно“ или „Многу сум среќна што си толку возбуден, но понекогаш кога ќе влезеш многу брзо без никакво подмачкување, ме боли. „Ајде да почнеме побавно за да можам и јас да влезам во расположение“ (или барем да искористите лубрикант за безболно уживање).
Зборувајќи за лубриканти, Waterfeel е нашиот омилен.
Конструктивната критика на позитивен начин му дава до знаење дека сè уште се грижите и дека не се обидувате да бидете злобни, но и тој ќе сфати дека не уживате во одредена техника или движење.
Играчките не се непријател, напротив
Понекогаш ви треба дополнителен „уф“ во креветот, а играчките се одличен начин да дозволите тоа да се случи. Имајќи предвид дека повеќето жени кулминираат поради стимулација на клиторисот наместо пенетрација, и ова не е голема работа освен ако не ја направите да биде. Мал клиторален стимулатор е најдобрата опција за секс, бидејќи сепак можете да имате пенетративен секс додека ја добивате стимулацијата што ја посакувате.
Пред само да извадите вибраторот или стимулаторот за време на секс и почнете да го користите, разговарајте со вашиот партнер за идејата. Во свет полн со токсична мажественост, некои мажи ќе се чувствуваат како да им е одземена „машкоста“ ако користите играчка во креветот, додека други ќе бидат пољубопитни и ќе ја сметаат идеата за одлична. Ако вашиот партнер е првиот, дајте му до знаење дека тоа воопшто не е така. На вашето тело – и на телата на повеќето жени – му треба стимулација на клиторисот за да доживее климакс, и не можете секогаш да стигнете до таму само со вагинален секс. Тоа навистина не е ништо лично. Ако вашиот партнер е вториот, тогаш имате среќа! Уживајте во вашата играчка за да се доведете себеси до екстаза.
Пробајте нови работи
Не плашете се да испробате нови позиции, места, лубрикација, играчки и се друго што ќе ви падне на памет! Колку сте двајцата и поотворени во кревет, толку е поголема шансата и двајцата да го добиете она кое го посакувате. Разговарајте со вашиот партнер и видете што тој смета дека е експериментално, свежо, ново и возбудливо, бидејќи тоа се разликува од личност до личност . Можеби се работи за едноставни работи како што се лубриканти, играчки и секс перници кои можат да додадат обновена возбуда во вашата сексуална рутина. Можеби е нешто похрабро и поавантуристичко како играње улоги, секси долна облека или стриптиз. Или, пак, вашиот партнер би можел да ве изненади со нешто тотално диво – како BDSM фантазии! Разговарајте за тоа и истражете ги овие нови идеи за да ја зголемите жештината помеѓу вас.
Едно од прашањата кои би можеле да ги поставите е „Што сакаш да правиш во кревет, но сè уште не си направил? Ова ќе ви даде идеја за тоа што тој смета дека е експериментално и какви видови на фантазии има. Може и само да споменете што можеби би сакале да пробате во кревет, само за да видите што тој мисли за тоа. Спомнувањето на вашата љубопитност за нешто неколку пати можеби е сè што е потребно за двајцата да започнете нова идеја. Во зависност од тоа што е, би можеле дури и да го изненадите вашиот партнер! Дали сте заинтересирани да бидете врзувани? Појавете се во кревет со пар лисици и партнерот сигурно ќе сфати. Но, за други работи апсолутно треба да се разговара. Дали сте заинтересирани да го врзете партнерот? Наша препорака е прво да разговарате за тоа.
Да сумираме…
Кога станува збор за лошиот секс, и ако партнерот е лош во кревет понекогаш мало водство или дополнителна помош може да биде се што ви е потребно за тоа да се промени. Некогаш пак, можеби едноставно не сте сексуално компатибилни. Но, пред да се откажете погрижете се да испробате барем неколку од овие совети. Можеби баш еден од овие нив ќе го подобри вашиот сексуален живот – и нема да завршите сексуално фрустрирани.
