Огромен е бројот на жени ширум светот кои се соочуваат со проблем со карличните мускули. Овие проблеми најмногу се однесуваат на неконтролираното и зачестено мокрење после породувањето. Тоа знае да биде мошне непријатно и да ги отежне секојдневните активности. Исто така, целата ситуација е пропратена со неможност да се вратат и зајакнат вагиналните мускули во состојба како пред породувањето. Често, постои и неможност за доживување на оргазам.
За оние кои се соочуваат со оваа проблематична состојба, имаме многу добра вест! Бројни придобивки можат да ви донесат т.н. Кегелови вежби, а нивното изведување во голема мера го олеснуваат т.н Кегелови топчиња. Овие топки, не носат придобивки само кај женската популација – туку и кај мажите. Кај нив го олеснуваат контролирањето на оргазмот, ја спречуваат предвремената ејакулација, а интензитетот на ерекцијата е видно зголемен.
Пред да преминеме на тоа, што всушност се Кегеловите топки, најпрвин мора да ве познаеме со поимот Кегел мускул. Што значи тоа?
Најпросто кажано, Кегел мускулот е оној мускул што се активира кога се обидувате да го прекинете мокрењето. Да, да, лесно е да го пронајдете! Додека мокрите, застанете за момент и фокусирајте се на самото затегање на мускулот. Оној мускул што се стега – е всушност Кегеловиот мускул. Овој мускул е исто така познат и под името пубокоцигеален мускул.
Постои многу проста вежба од која би имале бројни придобивки доколку ја изведувате секој ден, а таа се состои во стискање на Кегеловиот мускул. Исто како кога сакате да го прекинете мокрењето. Стегнете од 4 до 5 секунди. Непрекинато држете. Потоа, опуштете го мускулот 3 секунди. Повторувајте го овој процес во просек 15 пати, 3 пати на ден. По некое време, пробајте постепено да го зголемувате задржувањето на мускулната контракција, некаде до 10 секунди.
Што се Кегел топки?
Кегел топки се две (најчесто) поврзани топки, шупливи во внатрешноста, кои имаат помала топка внатре. Таа со помош на вашето движење, создава вибрации и вибрира. Овој процес причинува неверојатно, невообичаено задоволство.
Топките може и да не се поврзани. Се наоѓаат и како посебни топчиња, односно, топчиња кои не ја содржат јамката. По правило, помали се од споените, бидејќи се наменети за корисници кои се малку поискусни и чиишто вагинални мускули се посилни.
Начин на користење
Најпрво, на топчињата е поженло да се нанесе лубрикант (како би се олеснило вметнувањето). Било тој да е врз база на вода или силикон. Потоа, внимателно вметнете ги топките во внатрешноста на вагината. Припазете на тоа, лентата која се извлекува да биде поставена на долната страна, всушност на излезот, за полесно отстранување. Впрочем, идентично како во случаи кога се користат тампони. Исто како нив, топчињата не се чувствуваат дека се таму внатре. Кога ќе ги вметнете доволно длабоко и удобно, треба да се почне со било каква физичка активност. Пешачење, трчање, пливање, или пак, едноставно да се посветите на вашите секојдневни активности. Важно е физички да сте активни додека тие се внатре. Со самата физичка активност, топчињата ќе мрдаат во внатрешноста и постојано ќе чувствувате потреба да ги задржите, бидејќи ќе ви се чини како да испаѓаат. Самите вагиналните мускули, по автоматизам ќе се стискаат за да ги задржат топчињата – и така всушност вие вежбате. Рефлексот работи за вас! Пожелно е да се прават вежбите од 20 до 30 минути дневно.
Отстранување на Кегел топките
Прилично лесно се отстрануваат. Доколку топчињата имаат јамка, извлечете ги со извлекување на јамката надолу. Ако топчиња се без јамка, направете “squat” (чучнете) и едноставно опуштете ги мускулите. Со прстите, извадете ги топчињата. Нема простор за паника– топчињата во вагината, немаат каде да „забегаат“ (за разлика од анусот) и со самото опуштање на мускулите, тие ќе излезат надвор бидејќи гравитацијата ќе ги повлече.
Избор на Кегел топки
Можат да се најдат како засебни, помали топчиња без јамка, или пак, топчиња со јамка кои не се засебни. Изборот зависи од вас, но сепак, доколку сте почетник, препорачливо е да земете полесни, поврзани топчиња со поголем дијаметар. Така, самите мускули полесно ќе ги задржат и со самиот процес на напредок, ќе можете слободно да го зголемувате тренингот со топчиња со поголема тежина. Или пак, со помал дијаметар. Најпопуларни на пазарот денес се сетовите во кои всушност добивате неколку топчиња. Тие се со различна тежина и ќе ви овозможат постепено засилување на тренингот.
Материјал на Кегел топките
Топките можат да бидат направени од најразлични материјали. Силикон, метал, стакло или АБС пластика. Во секој случај, не се порозни и не содржат никакви штетни материи кои би можело да ви создадат било каков проблем, непријатност или алергиска реакција.
Зошто се препорачува користењето на Кегел топките?
Доколку редовно вежбате со Кегел топките, вие веќе имате низа здравствени придобивки. Оргазмите ќе ви станат почести и поинтензивни. Интересен факт е тоа што некои жени тврдат дека првите оргазми во нивниот живот ги доживеале по зајакнување на вагиналните мускули. И сето тоа благодарение на овие топки. Вежбањето доведува и до позатегнато чувство при пенетрација, што претставува задоволство и кај двајцата партнери. А пак, доколку ги стегате вагиналните мускули за време на сексот, може и потполно да го излудите вашиот партнер 🙂
Кегелови вежби кај трудниците
Придобивките од овие вежби и кај трудниците се огромни. На пример, се намалува можноста за т.н распукување при породување, а по породувањето, го зајакнуваат мускулниот тонус. Во поодминати години пак, помагаат во превенција и третман на т.н инконтиненција.
Со редовната употреба на Кегел топките, ќе почувствувате дека ви се зголемува сексуалната желба, па уживајте во тоа што ви се нуди – ние веќе го имаме решението за вас! 🙂
