Да, добро прочитавте во самиот наслов. Лубрикантот може да го подобри вашиот сексуален живот. Станува збор за лубрикантот. Тој се користи за самиот сексуален чин биде попријатен и што помалку болен, при мастурбирање, или пак, кога едноставно си играте со секс играчки. Лубрикантот делува така што го намалува триењето (а со тоа и болката) помеѓу вашата кожа и органот/предметот/делот од телото со кој настанува триењето – на начин што ја елиминира иритацијата на кожата и самото непријатно чувство при триењето.
Зошто е пожелно да користите лубрикант?
Можеби, подобро би било да прашаме “А зошто да не користите лубрикант?” Користењето лубриканти не е нешто поради кое вие треба да се чувствувате засрамено, невообичаено, или пак, непријатно. Баш напротив, тој е супер добар пријател во целокупното ваше сексуално искуство. Постојат и многу жени ширум светот на кои им се лачат доволно големи количини вагинална течност, но, тие сепак избираат да користат лубрикант дополнително, за до максимум да го подобрат своето сексуално задоволство. Тој во ниту еден случај вам не може да ви наштети, туку само ќе му бидете благодарни за се што прави за вас.
Вагиналниот секрет (или т.н секретирана вагинална течност) сам по себе, обезбедува подмачкување на вагината а со тоа ја одржува нејзината влажност, чистота и киселост. Ова е природен процес кој спречува многубројни инфекции.
Но, во менопаузата и после неа, жените доживуваат сувост на вагината и зголемена непријатност за време на сексуалниот чин. Сето ова е проследено и со болка, кај некого поизразена, кај друг помалку. Генитоуринарниот тракт (тука ќе ја вклучиме и вагината заедно со вулвата) доживува промени и атрофира поради падот на нивото на естрогенот. Кога естрогенот е во пад и неговите нивоа се намалени, овие ткива стануваат потенки. Па така, флексибилноста е намалена, протокот на крв е помал и природните вагинални течности се драстично во пад. Употребата на лубрикант помага за сето ова да се ублажи и отстрани непријатноста за време на сексот. Но, јасно е дека тој не го спречува основниот проблем на атрофија на вагинално ткиво кој има природна тенденција да атрофира. Значи – не ги лечи причините.Туку, тој е само ваш најдобар пријател во отстранување на симптомите во сево ова. И работи за вас и вашето задоволство!
За тоа дека сувоста на вагината е причина број еден која доведува до непријатност или болка за време на сексуалниот однос, бевме концизни. Но, исто така, мора да напоменеме дека таа причина може да произлегува и од многу други факори. На пример, постојат луѓе кои употребуваат лекови (вклучувајќи антихистаминици и антидепресиви) и кои се борат (или преживеале) рак. Исто така, и пациентите со Сјогренов синдром. Тие најчесто имаат проблеми со сувост на вагината и во овие ситуации, лубрикантот и те како знае да биде од голема полза.
Течности кои ги произведува вашето тело, а можат да се користат како лубрикант
Менструалната крв може да помогне и да се искористи како лубрикант при мастурбирање, или пак, при секс. Но, тоа најчесто се случува на почетокот на менструалниот циклус бидејќи самото крварење во поодминатите денови не е воопшто пријатно за сексуални активности.
Цервикалната течност, и тоа најчесто за време на овулацијата ( а и неколку денови плус/минус од 14от ден) ќе ви овозможи триењето да не претставува непријатност и болка. (но, секогаш имајте на ум дека незаштитениот вагинален секс за време на овулацијата, се смета за најризичен бидејќи најголеми се шансите токму тогаш да забремените! Доколку не сакате да забремените, се разбира.).
Вагиналната течност која всушност вашето тело ја лачи кога ќе се возбудите, ви е на располагање нон-стоп за да ви помогне да ја навлажнете вагината. Вие само погрижете се да оставите доволно време за предиграта, за да му овозможите на вашето тело да произведе доволно течности и сите тие да ви користат за време на сексуалниот чин.
Плунката исто така, може да се користи како лубрикант. Користењето на сопствената плунка за време на мастурбација, всушност, може да биде и еден вид на заштита од развој на вулвовагинална кандида. Да да, добро прочитавте.
Истражувачите тврдат дека ова најверојатно се должи на одредени заштитни (добри) бактерии со антигабични својства кои се наоѓаат во самата наша, сопствена плунка.
Колку за споредба, примањето кунилингус пак, ги зголемува шансите за добивање инфекција со кандида. Што е и нормално, но, и во голема мера логично, бидејќи не се работи за нашата сопствена плунка. Самиот збор кунилингус доаѓа од латинските зборови ‘cunnis’ (вулва) и ‘lingis’ (лижење), што подразбира дека се работи за орален секс, во ситуација каде мажот ја задоволува својата партнерка.
Како да го изберете вистинскиот лубрикант за вас?
Во продолжение ќе ви откриеме кои лубриканти се достапни на пазарот денес и во кои ситуации е најдобро да се употребуваат. Нормално, како и со се досега, ќе започнеме со тоа што е најдоброто за почетници, па натаму.
Лубриканти врз база на вода
Најбезбедната и најпријатната опција за почеток, најверојатно би била оваа. Лубрикантите врз база на вода можат да се користат за сите ваши сексуални потреби, без разлика дали се работи за вагинален секс, мастурбирање или играње со секс играчки. Лубрикантите брз база на вода се идеални и за оние луѓе кои имаат малку почувствителна кожа. Или пак, за жените кои мака мачат со вагинална иритација. Тие може да се користат и со презервативи, а и со секс играчки. Многу се лесни и едноставни за чистење од постелнината или облеката, во смисла – нема да остават никакви траги, со сигурност.
Сепак, лубрикантите врз база на вода имаат некои свои недостатоци. На пример, не се препорачливи за секс во вода (под туш на пример) бидејќи ќе се измијат. Исто така, тие имаат тенденција да станат лепливи и бараат повторно и повторно аплицирање.
Значи, ако планирате или посакувате да имате маратонски секс, овие лубриканти дефинитивно не се тоа што го барате.
Лубриканти врз база на силикон
Дефинитивно најидеалната варијанта за долготраен секс. Треба само помалку да подмачкате и поретко повторно да нанесете. Подмачкувањето кое е врз база на силикон претставува одлична опција за секс или мастурбирање под туш или када, бидејќи нема да можете да го измиете толку лесно. Единствено, потенцијален проблем се крие во самиот факт што лубрикантите на база на силикон се малку потешки, во смисла на отстранувањето, па можеби ќе ви треба сапун и вода за да ги исчистите.
И претпазливо со овие лубриканти. Потрудете се да бидете многу внимателни и да не истурите лубрикант врз база на силикон на дрвен под. Тоа дефинитивно ќе го извалка и ќе го остави подот лизгав дури и по неколку месеци.
Лубрикантите врз база на силикон не треба да се користат заедно со секс играчки кои самите се направени од силикон. Тие можат да влијаат негативно на гумата со текот на времето и да ја оштетат текстурата на производот. Но, ова дефинитивно не важи за сите секс играчки, бидејќи многу модели на секс играчки се направени и од други материјали.
Лубриканти врз база на масло
Овие лубриканти со сигурност ќе ви овозможат супер лизгање, кое ќе трае подолго од она кое би било со лубрикант врз база на вода. Идеални и погодни се за мастурбирање (раце или играчки), пенетративен секс (без презервативи) и игра во вода (туш, када, базен). Лубрикантите врз база на масло, исто така, може да се употребат и за сензуална масажа.
Лубрикантите врз база на масло (или кои било други мрсни производи, на пример, вазелин или друг вид на масло) воопшто не треба да се користат со презервативи од латекс, бидејќи тие можат да го растворат самиот латекс и да ја нарушат неговата функција предизвикувајќи пукање на презервативот. А и секс играчките направени од латекс, исто така, треба да се чуваат што подалеку од лубрикантите врз база на масло. Презервативите без латекс (како полиизопрен) се исто толку чувствителни на овој тип на лубриканти, па затоа, проверете го составот на самото пакување пред употреба.
Друг недостаток во врска со нив е што тие потешко се чистат од чаршафите, постелнините а и од вашето тело.
Лубриканти за анален секс
Лубрикантите дефинитивно се препорачуваат при анален секс, бидејќи самиот анален канал не лачи течност за да го олесни пенетрирањето. Впрочем, затегнатиот мускулен сфинктер кој се наоѓа на влезот во анусот придонесува за многу поголем отпор, за разлика од вагината, која е полна со набори и доста растегливо ткиво.
Користењето лубрикант дури и го прави аналниот секс многу побезбеден. Употребата на лубрикант врз база на вода ги драстично ги намалува шансите да се скине презервативот за време на аналниот секс, за разлика од лубрикантите врз база на масло, или пак, самата плунката, кои ја придонесуваат да се зголеми нивото на ризик од кинење на презервативот за време на аналниот секс. Шансите да се лизне презервативот додета трае аналниот секс, исто така, се поврзани со подмачкувањето. Ако нанесете лубрикант на надворешната страна на презервативот, може да се намали шансата за лизгање, додека нанесувањето на лубрикант на внатрешната страна на презервативот може да ја зголеми можноста за лизгање.
Што е добро да знаете пред да ги купите?
Во принцип, едноставно е. Треба да избегнувате било каков лубрикант кој во себе содржи вештачки бои, вкусови, шеќери, масла, дополнителни адитиви, или пак, глицерин. Причината е јасна – никогаш не можете да знаете како би реагирале на сите овие адитиви. Особено ако користите подмачкување за прв пат, односно, сте почетници. Токму некои од тие дополнителни дејства, како „затоплување“ или „горење“ може да бидат малку поразлични и поопасни од очекуваното. И исто така, само затоа што производот е „природен“ тоа воопшто не мора да значи дека е подобар за вас. Проверете го списокот за тоа што се се состои во него, прочитајте ги коментарите на производите или едноставно – одете во секс шоп и побарајте совет од поискусните луѓе кои таму работат..
Глицеринот или глицеролот претставува шеќерен алкохол и понекогаш може да се најде во лубрикантите. Сè уште е активна дебатата за тоа дали можеби постои врска помеѓу лубрикантите кои содржат глицерин/глицерол и бактериите кои се наоѓаат во вашата вагина. Некои докази всушност, алудираат на фактот дека лубрикантите кои содржат глицерин може да ги зголемат шансите за вагинални инфекции, а други пак, веруваат дека глицеринот воопшто не влијае негативно на вагиналната микрофлора. Секако, зборуваме за тема каде се потребни и недостигаат дополнителни истражувања. Да се вратиме на напата тема.
Се случува поголеми количини на глицерол (и други слични на него соединенија) да се користат во лубрикантите за да се обезбедат посебни својства на посебен начин, како што се на пример, чувството на затоплување, чувството на ладење, или пак, дополнителното пролонгирано лизгање. Лубрикант со висока концентрација на глицерол, во секој случај, негативно влијае на аналните и вагиналните ткива, на начин пто ги оштетува и дехидрира овие ткива. Оштетувањето на ткивото не само што е непријатно и болно, туку значително може да го зголеми самиот ризик од сексуално преносливи болести бидејќи неговата структура е изменета.
При изборот на лубрикант врз база на вода, секогаш трудете се да изберете таков што ја одразува киселоста на здравата вагина (а тоа е околу pH 3,8 до 4,5), за да се спречи ризик од бактериска вагиноза, се разбира. Анусот пак, има понеутрално ниво на киселост од вагината (pH 5,5 до 7), па затоа, обидете се да изберете соодветен лубрикант и за анален секс.
Не е исклучена можноста некои лубриканти да содржат и спермицидни хемикалии, кои можат да бидат предизвикувачи на иритација на вагината и затоа не се препорачуваат за употребување. Ако се обидувате да забремените а впрочем, користите лубрикант, задолжително одберете го оној што е специфизиран за зачнување, бидејќи некои лубриканти во голема мера можат да ја намалат подвижноста на спермата.
Болен секс – ВНИМАНИЕ ВНИМАНИЕ!
Доколку чувствувате непријатност и болка за време на сексуалниот чин, зголеменото подмачкување и не е секогаш правилно решение. Многу видови на болести, или пак, инфекции може да даваат такви симптоми, како што се болка при сексуален однос. Особено кога станува збор вагиналниот секс.
Во оваа категорија влегуваат кожните нарушувања, воспаленијата, одредени инфекции, хормонални промени и дисбаланс, трауми, како и многу други причинители. Доколку константно чувствувате болка и гледате дека степенот се влошува токму за време на сексуалниот чин, задолжителна е консултација со вашиот лекар или гинеколог.
