Два поими. Секс и менопауза. Овие два термини и како да не одеа баш заедно, се додека јавно, јасно и гласно не започнаа долгогодишни дискусии и дебати за тоа како воопшто изгледа сексуалниот живот и сексуалниот идентитет за дури 51% од жените за време на менопаузата. Ете за толку многу голем број на жени, сексот, сексуалниот живот и самата сексуална благосостојба се многу поразлични од сето она кое им се случувало во 20-тите и 30-тите години. Нормално е да се има емоционални промени, проследени со физичките, бидејќи падот на естрогенот и тестостеронот си го прави своето, но тоа не треба и не значи дека тука треба да заврши активниот сексуален живот на жената. Напротив! Зошто тоа да не биде почеток за нов начин на откритија за самата женска сексуалност а и посигурна потрага да дознаете што може да направи да се чувствувате прекрасно?
Јасно е, и ќе се согласиме дека е тешко да се минува низ таква состојба на физичка и емоционална трансформација и едноставно не може да се избега од тој природен животен процес, па затоа, од оваа околност пробајте да пронајдете и позитивна страна.
“Тоа е време на ослободување”, “Тоа е време на отфрлање на оковите од инхибицијата.” Ќе се согласиме со ова, но и ќе додадеме дека исто така, време е и да се избрише стравот, а донекаде и срамот што жените можеби го чувствуваат кога се зборува за интимност, секс, менопауза и се што е поврзано со ова поле.
Затоа, денеска ќе зборуваме токму на оваа тема
Троен удар
Најважно од се е да се разбере што се случува внатре во вашето тело за време на периодот на менопауза. Да почнеме најпрвин со она што физички се случува во текот на трите фази на менопаузата. Перименопаузата е првата фаза и е периодот кој води до самата менопауза, односно периодот кога хормоните почнуваат да доживуваат пад, а менструалните циклуси да стануваат непостојани, неправилни и ненавремени. Всушност, и се поретки и поретки. Менопаузата е втората фаза и е периодот кога престануваат да се произведуваат хормони (естроген и прогестерон) кои впрочем го поттикнуваат менструалниот циклус и кога жената веќе минува без менструација 12 месеци и повеќе. Тогаш веќе, се смета дека таа влегува во фазата по менопаузата, или постменопауза. Тоа е третата и последна фаза. И всушност, тоа останува така до крајот на животот.
Секоја од споменативе фази од менопаузата може (но и не мора да значи) да донесе со себе низа од најразлични симптоми. Од клучно значење е во овој момент да се напомене и да се осознае дека менопаузата е лично,индивидуално искуство и дека не постои генерална „дијагноза“ која ќе одговара на симптомите на сите жени во менопауза. Ова всушност, не е болест, туку една сосема природна фаза од животот како процес и секоја жена има свое индивидуално искуство за тоа. И секоја жена ќе помине низ неа. Но, да,, постојат класични симптоми и вообичаени физички несакани ефекти како резултат на нискиот естроген и тестостерон. Тоа се константни топли бранови низ целото тело, што резултира со потење, ниско (или непостоечко) либидо, сувост на вагината и диспареунија ( односно, болка за време на секс). Од психолошки аспект, менопаузата може да предизвика лошо расположение, кое може да трае подолг период, недостаток на самодоверба, палпитации и висок степен на раздразливост. Когнитивно пак, симптомите може да вклучуваат лош сон, слаба енергија, поспаност и заборавеност. Она познатото “Што зборував досега?”
Време е за промена!
Постојат интересни студии кои ни откриваат дека во оние култури каде што постарите луѓе се многу повисоко ценети, искуството на жената во самиот период на менопаузата е полесно да се носи. Во Кина, познато е дека менопаузата се слави како „втора пролет“. Во Јапонија пак, се нарекува „коненки“, што е кованица од – ко (обновување), нен (година) и ки (енергија). Спротивно пак на тоа, во зборот ОК „менопауза“ се преведува како „крај на циклусот“.
Интересно да се напомене е дека во азиските култури жените пријавуваат помалку проблеми во врска со нивното индивидуално искуство со менопаузата. Во западната култура на пример, менопаузата историски наназад била срамна појава – всушност, време кога сексуалните потреби и желби на постарата жена биле игнорирани или во целост отфрлени и секогаш погрешно протолкувани. Да се разговара за менопаузата било своевремена табу тема. И да се зборува за секс и менопаузата освен во докторска ординација, било срамно. Време е за промени.
Сексуална благосостојба и менопауза може да одат заедно!
Веќе спомнавме дека дури 51% од жените потврдиле дека симптомите на менопаузата влијаеле многу на нивниот сексуален живот – и тоа не ги вклучува само оние, индиректните ефекти на ниската самодоверба или промените на расположението. Туку, промените внатре во самиот ум и во самото тело, кои придонесуваат за промена и во сексуалниот живот.
Добрата исхрана и вежбање никогаш нема да излезат од мода, замената на хормони и/или природни додатоци се исто така, клучни во овој период. Грижата за себе е уште една важна алатка која помага во управувањето со сите трансформации кои ги носи менопаузата.
Сувоста на вагината и диспареунија секако дека влијаат лошо на либидото и позитивното искуство на жената за овозможување сексуална интимност. Сето тоа упатува на фактот дека жените и нивните партнери најверојатно ќе треба да заземат еден сосема поинаков пристап кон стимулацијата и подмачкувањето, без разлика дали се за соло или за заедничка игра. Тука, секс играчките дефинитивно може да играат огромна позитивна улога.
Време е за играње
Дефинитивно, а и со гордост ќе кажеме дека сексуалната револуција не е ограничена само на возраста, туку дека таа ќе напредува сè додека жената сака да биде сексуално активна, без разлика дали таа е во врска, во брак или сингл. Па така, имајќи го тоа во предвид, ќе ви претставиме интересни нешта кои веруваме дека ќе ви помогнат во целиот овој процес.
Постојат интимни навлажнувачи кои се муко-адхезивни и може да помогнат во ублажување на вагиналната атрофија и сувост, а сето тоа – до три дена. Постои изрека која вели „користи го или изгуби го“ а се однесува буквално на сите мускули во вашето тело – вклучувајќи го и карличниот под. Вагиналните/Кегел топчиња се клучен дел од обновата на силата во целиот карличен под, а постојат и неколку достапни големини за прогресивен тренинг. Ова исто така важи и за дилататорниот сет, кој се состои од пет дела, а ви овозможува да се изградите со темпо што што вам ви одговара. Секој дилататор може да се користи и како булет вибратор, но и за вагинално возбудување. Ќе се чувствувате одлично и ќе се поттикне протокот на крв во областа што го промовира вагиналното здравје. Класичните вибратори пак, ергономски се дизајнирани и заострени за да го таргетираат правилно клиторисот и другите ерогени зони. А и совршени се за оние кои се нови во светот на секс играчките.
Менопаузата навистина е период на трансформација, но мора да ја поздравите таа промена бидејќи женската самодоверба треба да се слави, како и новата ера за жените денес. Женската сексуалност треба да се прифати, без разлика на возраста на жената и веруваме дека се додека се трудите, ќе имате напредок.
